Տնօրեն

Գարիկ  Մարատի  Սողոմոնյանը ծնվել  է 1979թվականի նոյեմբերի 6-ին Գեղարքունիքի մարզ  ք.Գավառ Հացառատ  թաղամասում:

1986-1996 թվականներին   սովորել և ավարտել է թիվ 2-րդ միջնակարգ  դպրոցում: 1997թ  ընդունվել և  մինչև 1998թ  սովորել է Լեռնային  Ղարաբաղի  Հանրապետության  Պետական  Համալսարանի  ստոմատոլոգիական  ֆակուլտետում։ 2-րդ  կուրսից  տեղափոխվել  և  ուսումնառությունը  շարունակել   է  Մխիթար  Հերացու  անվան  ԵՊԲՀ  Ռազմաբժշկական  ֆակուլտետում  (1999-2006թթ):

2006-2007թվականներին ընդունվել և  սովորել    է Մխիթար Հերացու  անվան    ԵՊԲՀ  ինտերնատուրան  <<Ընդհանուր  պրակտիկայի   բժիշկ >> մասնագիտությամբ:

2011-2014թվականներին  ընդունվել և   սովորել   է Մխիթար  Հերացու  անվան  ԵՊԲՀ    կլինիկական   օրդիանատուրան 

<<Ընդհանուր  վիրաբուժություն >> մասնագիտությամբ:

2007-2011թվականներին  ծառայել    է  ԼՂՀ  ՊԲ-ում, որպես  զորամասի  բժիշկ, այնուհետև բժշկական կետի և  բժշկական  ծառայության  պետ:

2014-2018թվականներին  ծառայել   է  ՀՀ ՊՆ  Երևանի  կայազորային  հոսպիտալի  վիրաբուժական  բաժանմունքում, որպես  օրդինատոր-վիրաբույժ-վնասվածքաբան:

2018թ-ից  ծառայությունը  շարունակել   է  ՀՀ  ՊՆ   Հանրապետական  Զինկոմիսարիատի  բժշկական   ապահովման  բաժանմունքում, որպես  բժիշկ-վիրաբույժ, իսկ  2020թ.-ից  ՀՀ   ՊՆ   կենտրոնական  ռազմաբժշկական  հանձնաժողովում, որպես  բժիշկ- վիրաբույժ:

2017-2019թվականներն   ՀՀ կառավարության  որոշումներով   ընդգրկվել   է Կենտրոնական  բժշկական  հանձնաժողովի  կազմում,  որպես  վիրաբույժ - փորձագետ:

Բազմիցս  մասնակցել   է հանրապետական և  միջազգային  վիրաբուժական  կոնֆերանսների:

Վիրաբույժների   հայկական  ասոցացիայի  անդամ   է:

Մասնագիտական   ծառայության  ընթացքում  բազմիցս  պարգևատրվել   է պատվոգրերով, շնորհակալագրերով և  միջգերատեսչական  մեդալներով:

2020թ-ի   սեպտեմբերի  27-ին  Արցախի  հանրապետության  դեմ  սանձազերծված 44 օրյա պատերազմի  ընթացքում  պաշտպանության  բանակին  ցուցաբերված  դեղորայքային և նյութական  աջակցության   համար  Արցախի  Հանրապետության  նախագահ   Արայիկ  Հարությունյանի  կողմից  պարգևատրվել  է   շնորհակալագրով:

Արցախի  Հանրապետության  Պաշտպանության  նախարարության   Ստեփանակերտի  կենտրոնական  զինվորական  հոսպիտալի  զորամասի  հրամանատար  փոխգնդապետ  Հ.Գրիգորյանի  շնորհակալագրով  պարգևատրվել   է Արցախյան 44 օրյա  պատերազմի  ընթացքում  ցուցաբերված  հայրենասիրության, մտահոգության, ուրույն  ավանդի և  Հայրենիքին  մատուցած  ծառայության  համար:

Արցախի  ազատամարտիկների  Միության  նախագահ`  Ս.Կարապետյանի  կողմից  պարգևատրվել  է Արցախյան 44 օրյա  պատերազմում  զինվորների  կյանքերի  փրկության  անձնուրաց  պայքարի  և   բարձր  մասնագիտական  հմտություններ  ցուցաբերելու    համար:

Արցախի  Հանրապետությունում 44-օրյա  պատերազմական  գործողությունների   ընթացքում  առողջապահության  ոլորտում  ունեցած  ներդրումների,  համակարգի  բժիշկներին  աջակցելու և վիրավորներին  մասնագիտացված  բժշկական  օգնություն  ցուցաբերելու  համար պարգևատրվել  է Արցախի  Հանրապետության  առողջապահության  նախարար   Միքայել  Հայրիկյանի  պատվոգրով:

03.05.2021թ.  ՀՀ  Գեղարքունիքի  մարզպետի  որոշմամբ   նշանակվել    է <<Գավառի  բժշկական   կենտրոն>> ՓԲԸ  տնօրենի  պաշտոնում:

Ունի  բուժծառայության  կապիտանի  կոչում:

Ամուսնացած   է ունի երկու  որդի: